LIBRARY

SYNOD HOSPITAL LIBRARY

(as on 21.7.2017)

 History:-                    Synod Hospital Library hi Hospital a lo din tirh 1928 atangin a theih ang angin Sap Missionary ho khan Lehkhabu te lo la khawmin Library hming pu chiah si lovin a tul hun a hman theih turin an lo vawng tha a, Nursing School te a lo din hnuah zirtirtu ten zirlaite an mamawh dan a zirin lehkhabu te an hawh tir ve bawk a. Tin, Hospital lam pawhin lehkhabu awm ang te awmze nei tak a ziak lutin an lo vawng tha ve bawk a. Kum 1977 ah Pi Lalzikpuii NS rtd chuan lehkhabu bik (Accession Register) a vawngin mumal tak a hawh chhuah leh dah luh a rawn tan a, hei hi Library din tan kum atan a hman a ni ta nghe nghe. Hopital lama lehkhabu thenkhatte nen chhungkhawm in Kum 1994 ah Library bik enkawl tur lak a lo ni a, ziah fel ngai tam tak a lo awm a, tin lehkhabu thenkhat te a hlui tawh avang leh dahna hmunin a zir loh avang te in a riral nasa hle. Heng lehkhabu te hi lehkhabu ti a han sawi tur ni bawk mahse Foreign Journal chilhkhawm sap ram atanga an rawn thawn te a ni deuh ber a ni. Nursing School hi a enkawl tu ber a nih angin Nursing School Library ti a sawi a ni bawk. Kum 1996 ah Library Assistant nghet a lo awm ta a, tin a mah pui turin a nghet lovin Library Science lam thiam te chhawr tel an ni bawk a, hmanrua te chah khawmin nasa tak a hmalak a ni. Kum 2010 ah Assistant Librarian Library Info Science Degree nei chu Library enkawl turin a nghet a lak a ni a, 2015 khan Librarian puitling a kaisan tir a ni. 

Recognition-               Kum 1999 ah Art & Culture Department Govt of Mizoram chuan State Library Planning Committee (SLPC) rawtna angin recognition a pe a. Govt reconised NGO Libray a lo ni ve ta a ni.  (SLPC Meeting No. D. 30017/3/95-SL of dt. 16/2/99) A recognition Number chu No. 347 of 1998-99 a ni. Recognised library a nih angin kum tinin RRRLF Matching Scheme hnuaiah lehkhabu thahnem tak Sorkar atangin kan dawng thin a ni. Hemi mai piah lamah Book Shelf pakhat kan dawng tawh bawk a ni.

                                    Sorkar chuan a hnuai a recognised library te kumtin chhiah a la thin a Hospital Library pawh in kumtin Rs. 300/- renewal fee atan kan chawi thin a ni. Hemi bakah hian Mizoram pum a Library enkawltu Mizoram Library Association ah  affiliation fee Rs. 100/- kan chawi thin a ni.

Statistical Reports-

            Thawktu- Library ah hian Librarian, Library Assistant leh a tul a hman tur IV Grade kan awm a, Librarian in Administration, Technical procession work te khawihin, Library Assistant hian Circulation, Arrangement leh Library revenue te a enkawl a ni.

            Physical Resources-

a)      Collection

                        Medical & Nursing Books      : 4333 ( Reference book 160 telin)

                        General Books                         : 3687 (Refeence book 120 telin)

                        Bound Volumes                        :   200

                        Old Collection                          :   263

                        TOTAL                                    : 6375

 ( Heng bakah hian back volumes tak tak a awm bawk a ni.)

b)     Periodicals – Journals 20 subscribe mek a ni a, Daily newspaper pathum(3) lak mek a ni.

c)      Equiptment- Computer set with Printer pakhat leh Photocopier Machines pahnih kan nei a ni.

d)     Furniture/other physical facilities-  Book Shelf 18, Steel Rack 29, Periodical Display Rack 2, Reading chair 46 leh Table 16 leh newspaper chhiarna tur bik te a awm.

Library Members -  Library member nihna hi category hnih a then a ni a Category-I ah Staff (i.e. Hospital Staff) an awm a kum khatah Rs. 10/- in an rawn in ziak lut thin. Category –II hi Student niin, an lo lut tirh ah Library Membership form Fill up in Rs. 100/-  chawiin an luh hun chhung member an ni. Hemi bakah hian special member naupang bik tan children membership a awm bawk.

Visitor & Circulation - Library hian Visitor nitin 30 atanga 40 vel a nei deuh reng a, a biktak in GNM/BSc zirlai ho an ni tlangpui. Lehkhabu hi 20 atanga 30 hawhchhuah ziah thin a ni a. 10 atanga 20 hi dahluh a awm deuh reng a ni.

Library Services-  

Circulation – 

(a)    Library atanga lehkhabu hawhchhuahna atan hian a member type a zirin Card pek chhuah a ni a. Category I  chu Single card sytem hmangin pek an ni a. Category II erawh chu Browne System of Charging hman a ni a awm zia chu ID pek an nih bakah Library readers ticket pathum(3) pek tel a ni.

(b)   Lehkhabu hi kar hnih ( Ni 14) atan hawh chhuah theih a ni a, renew leh theih a ni. Lehkhabu ngai erawh vawi hnih bak renew phal a ni lo.

a)      Lehkhabu zingah hian 3 days copy siam a ni a, lehkhabu hlu leh manto mamawhtu tam si a ni tlangpui chutiang ho chu renew theih a ni ve lo.

b)      Reference Book  heng Encyclopedia te leh lehkhabu to bik te chu hawh chhuah theih a ni lova, a hmun ah chhiar/hman mai tur a ni.

c)    Lehkhabu hawhchhuah theih hun hi an mamawh dan a zirin Librarian phalna in tihdanglam theih a ni.

d)     Lehkhabu hi tum khatah pathum (3) hawh theih a ni a, zirtirtute erawh chuan teaching purpose atan a tul anga  a aia hun rei zawk pawhLibrarian phalna in hawh theih a ni.

e)      Library hi Hospital Holiday tih lovah chuan nitin hawn thin a ni.

Overdue charges- Lehkhabu hawhte a hun a dah hman lo chuan overdue charge chawi a ngai a, Medical/Nursing/General lehkhabu chu ni khatah Re. 1 zel a ni a. Reserved copy (3days Copy) erawh ni khatah Rs. 5 a ni thung. Amaherawhchu, tlai chhan azirin Librarian in exemption a pe thei ang.

Photocopying Services-  Phek khat a Rs. 2 chawiin xerox hman theih a ni a. Lehkhabu zawng zawng hi a ziaktu emaw a chhuahtu te copyright law in a humhalh avangin law khawih buai lova educational purpose atan chauh hman tur a ni. Lehkhabu hawhchhuah tur a dah te, Dissertation/Thesis leh Question hlui te hi photocopy siam phal a ni lo. Reference book leh Journals/periodical te chauh xerox theih a ni. Hetiang hian dan siam a ni a. Lehkhabu Chapter khat emaw a phek zat atanga chhut a 10%. emaw Periodicals chu a tam ber ah Article pakhat emaw chauh xerox theih a ni.

Lehkhabu tihbo-  Library dan ah chuan Lehkhabu hian awmna hmun tur nei vek a ni a. Classification hmanga an awm hmun tur thliar a ni. Kan Hospital chuan DDC 22^nd Edition kan hmang. A dahna hmun a awm lo chu Loss book ti a sawi thin a ni. A tak hmuh tur awm lova bo chu a hawhtu in chawi tur a ni a. A chawi dan tur siam vek a ni a, a man zat inziak bakah 25% surplus tur, a man hriat tawh loh pawh a phek zat leh Year of Publishing a zirin rules siam a ni.

Student Textbook- Zirlai lehkhabu Textbook ngaihtuah hi Library hna lian tak pakhat a ni a, Book selection procedure a awm a, session thar a Textbook hman tur zirtirtu te rawt chu Principal approval hmangin Library in a lo chah sak thin a. A tul angin a man lak te pawh a buaipui zui thin a ni. 

Library Hmachhawp-

•      Library Computerised na turin hma lak mek a ni a, a system te tha leh changtlung thei tur ngaihtuah a lei mek a ni a. Library Software tha tak hmang turin hmalak mek zel a ni.
•      Library tih changtlun zelna atan American Information Resource Centre. Kolkatta ah membership tih mek a ni a. American Library atang hian lehkhabu foreign publish te ILL (Inter Library Loan) hmang a hawhchhuak theih turin hmalakna a kal mek a ni.
•          Electronic lam a hmasawn zelna atan e-Journal subscribtion buaipuimek a ni a Inflibnet hnuaiah programme pakhat e-shoodh Sindhu ah Associate membership ti turin hmalak mek a ni.

Conclusion-

             Library hi Hospital ah pawh unit peng te tak te a ni a, a pawimawh si a, mipui mimir hriat hlawh a ni bawk si lova chuvangin zoram mipuite tawngtaina leh donation lamah te pawh min lo pui zel turin ka han ngen a che u.

Staffs

Librarian             - Dr. Lalbiaksanga Hnamte, MLISc(NET), Ph.D, DMOA&FA

Asst.Librarian     - Post Vacant

Sr. Lib. Assistant - Mrs. R.Lalruatkimi,  HSLC

Lib. Assistant      - Post Vacant  

Lib. Attendant     -  Post Vacant

IV Grade            -  Mr. Lalawmpuia,  HSSLC